“Vazhdoni të ëndërroni!”, Khamenei i përgjigjet Trumpit për programin bërthamor

Udhëheqësi suprem i Iranit, Ajatollah Ali Khamenei, iu përgjigj me tone të forta deklaratave të Presidentit amerikan, Donald Trump.

Në një postim në X, Khamenei hodhi poshtë kategorikisht pretendimet e Trumpit për shkatërrimin e programit bërthamor të Teheranit, duke e sfiduar atë të “vazhdojë të ëndërrojë”.

“Presidenti i SHBA-së thotë me krenari se ata bombarduan dhe shkatërruan industrinë bërthamore të Iranit. Shumë mirë, vazhdoni të ëndërroni!”, shkroi udhëheqësi suprem, duke treguar kështu vendosmërinë e Iranit për të mos pranuar asnjë lloj presioni mbi programin e tij bërthamor.