Vdekja e një gruaje nxit protesta për ligjin e abortit në Poloni

Një grup qytetarësh protestuan në nder të një gruaje që besojnë se është viktima e parë e ligjit të abortit në Poloni.

Ata vendosën qirinj përpara Gjykatës Kushtetuese në Varshavë, që nxori një vendim vitin e kaluar për ndalimin e plotë të aborteve, një nga ligjet më kufizuese të Europës.

Gruaja e paidentifikuar u shtrua në spital sepse fetusit i mungonte lëngu amniotik. Por në vend që të kryenin një abort, mjekët prisnin që fetusi të vdiste, sipas Jolanta Budzoëska, një juriste e specializuar për keqpërdorime mjekësore. Nëna vdiq më vonë.

Jerzy Kwasniewski, president i Ordo Luris, një grup katolik ultrakonservator që loboi për kufizime më të rrepta të abortit, bëri thirrje që njerëzit të mos nxirrnin përfundime të nxituara derisa të kryhet hetimi.

Teorikisht, gruaja duhet të ishte në gjendje të ndërpriste shtatzëninë nëse jeta e saj ishte në rrezik. Por aktivistët e të drejtave riprodhuese argumentojnë se ligjet kufizuese të abortit priren t’i bëjnë mjekët të kenë frikë nga ndërprerja e shtatzënive edhe në raste ligjore.

“Kur ligjet janë shumë represive dhe kanë sanksione për mjekët, ata tentojnë ta interpretojnë ligjin edhe më rigoroz se formulimi i ligjit për të shmangur marrjen e rreziqeve personale,” – deklaroi Irene Donadio nga Federata Ndërkombëtare e Prindërimit të Planifikuar.

LEXONI GJITHASHTU:

• Protesta të mëdha pro abortit në Amerikën Latine
• Teksasi ndalon abortin, Guvernatori shprehet se do të ‘eliminojë të gjithë përdhunuesit’
• Ligji i Teksasit për abortin nxit demonstrata masive në SHBA, kërkohet anulimi