Vdekjet nga kanceri mund të rriten me një të tretën deri në 2040, thotë BE

Vdekjet nga kanceri mund të rriten me një të tretën deri në vitin 2040. Në Ditën Botërore të Kancerit, Bashkimi Evropian ka paralajmëruar se pa veprime konkrete do të ketë një rritje të vdekshmërisë.

Shefja e Komisionit Evropian Ursula von der Leyen njoftoi nisjen e një regjistri të pabarazisë së kancerit, i cili është krijuar për të adresuar faktin se vdekjet janë shumë më të larta në disa shtete anëtare sesa në të tjera.

“Ai do të identifikojë tendencat pabarazitë dhe pabarazitë midis vendeve anëtare dhe rajoneve në mënyrë që të mund të synojmë më mirë mbështetjen tonë,” tha ajo të martën.

Sipas të dhënave të fundit të vitit 2018, Evropa Lindore priret të ketë shkallë më të lartë të vdekjeve nga kanceri, me Hungarinë 335.4 vdekje për 100.000 njerëz.

Kanceri është një nga shkaqet kryesore të vdekshmërisë në Rajonin Evropian të Organizatës Botërore të Shëndetësisë, i cili përfshin 53 vende në Evropë dhe Azinë Qendrore  që përbën më shumë se 20% të të gjitha vdekjeve.

Rreth 2.7 milionë njerëz u diagnostikuan me kancer në BE në vitin 2020 dhe rreth 1.3 milionë humbën jetën nga kjo sëmundje.