Veprat e piktores Frida Kahlo shfaqen për publikun në Meksikë

Përmes një ekspozite të veçantë meksikanët kanë mundësi të njohin botën e piktores Frida Kahlo, një nga piktoret më ikonike meksikane

Vizitorët mund të preknin nga afër veprat e artistes, duke njohur më shumë edhe karakterin e saj.

Plot me projeksione të ndritshme dhe shumëngjyrëshe që sjellin në jetë artin e veprës së Fridës, vizitorët  rrethohen nga pikturat e famshme të Kahlo të tilla si ‘Dy Fridat’, ‘Unë dhe Papagajët e mi ‘ dhe ‘Auto portret me Flokë të Prerë’.

Instalimi i artit digjital lëvizës i kushtohet jetës së Kahlo për të shënuar 114-vjetorin e saj të lindjes.

Kahlo filloi të pikturonte kur ishte adoleshente, ndërsa arriti të mbijetonte e të merrte veten nga një përplasje fatale tramvaji në 1925.

Aksidenti dhe sëmundja e poliomelitit në fëmijëri lanë gjurmë tek ajo, duke mos pasur më mundësinë të bëhej nënë.

Duke e parë pikturën si një mjet për të shprehur veten, vuajtjet e piktores Kahlo përshkruhen në veprat e saj të gjalla.

Edhe pse arti i saj nuk mori shumë njohje gjatë jetës së artistes, ajo ka thyer rekorde në shitjet e ankandeve.

Në vitin 2016, piktura e saj ‘Dy  persona nudo në një pyll’ u shit për mbi 8 milion dollarë amerikanë.

LEXONI GJITHASHTU:

• Piktura e artistit Leonardo Da Vinçi në ankand për 16.7 milionë dollarë
• Ekspozita për Napoleonin, 200 vite pas vdekjes figura e tij vijon të zgjojë emocione të kundërta