Version më infektues i coronavirusit, Johnson njofton karantinë për festa

Kryeministri britanik Boris Johnson njoftoi se Londra dhe një pjesë e Anglisë lindore dhe juglindore do të futeshin në karantinë si pasojë e një lloji të ri, më infektues të coronavirusit.

Johnson tha se të gjithë qytetarët që jetojnë në këto zona duhet të qëndrojnë në shtëpi dhe nuk mund të udhëtojnë, edhe gjatë periudhës së Krishtlindjes.

“Ne nuk mund të vazhdojmë me planet që kishim për Krishtlindje”, tha Johnson gjatë një konferencë për shtyp të shtunën.

Këto masa vijnë pas rritjes së numrit të rasteve si pasojë e një version më infektues të coronavirusit.

“Ky variant i ri ka 23 ndryshime”, deklaroi Dr. Patrick Vallance, shefi i shkencës në Mbretërinë e Bashkuar. Zyrtarët njoftuar se ky version i ri është më ngjitës për shkak të këtyre ndryshimeve që ka pësuar.

“Nuk kemi prova që ky version shkakton më shumë viktima apo nëse ndikon në efektivitetin e vaksinës, megjithatë ekspertët kanë filluar punën për të mësuar më shumë”, tha profesori Chris Whitty.

Lexoni gjithashtu:

Italia në izolim total gjatë festave, Conte: Situata është e vështirë në mbarë Evropën

Masat antiCOVID, Izolim total në Austri. Kufizime në Zvicër, Sllovaki e Suedi