VIDEO| Momenti kur persona të armatosur hapin zjarr në sallën e koncerteve në Moskë

Persona të panjohur hapën zjarr në sallën e koncerteve Crocus City Hall në Krasnogorsk, afër Moskës, raportojnë agjencitë ruse të lajmeve duke vrarë të paktën 40 persona dhe plagosur qindra të tjerë.

Në një video të paverifikuar të postuar në mediat sociale, persona me armë automatike shfaqen duke qëlluar vazhdimisht në drejtim të civilëve që bërtasin, duke përfshirë gra, të cilët ishin strukur poshtë asaj që dukej si një shenjë hyrëse në “Crocus City Hall”.

Pamjet e tjera video tregojnë një numër njerëzish të shtrirë në pellgje gjaku jashtë sallës.

Një tjetër video tregonte sulmuesit duke qëlluar mbi njerëzit në sallën e koncerteve.

Ambasada amerikane në Rusi paralajmëroi në fillim të këtij muaji se “ekstremistët” kishin plane të afërta për një sulm në Moskë.

Ajo lëshoi ​​paralajmërimin e saj disa orë pasi Shërbimi Federal i Sigurisë i Rusisë (FSB), pasuesi kryesor i KGB-së së kohës sovjetike, tha se kishte penguar një sulm në një sinagogë në Moskë nga një celulë e grupit militant mysliman sunit, Shteti Islamik.