VIDEO/ Trump: Shumë kongresmenë janë të zemëruar me NATO-n! Nuk ka bërë asgjë për Ngushticën e Hormuzit

Presidenti amerikan Donald Trump ka deklaruar para gazetarëve se beson që SHBA-të e kanë “fituar” luftën me Iranin. Sipas tij SHBA shkatërruan marinën, forcën Ajrore dhe sistemet e tyre kundërajrore.

Ai shtoi se Irani vazhdon të bllokojë Ngushticën e Hormuzit por nga këndvështrim ushtarak sipas tij ata kanë mbaruar. Sa i përket NATO-s dhe vendeve që nuk pranuan të ndihmonin në hapjen e Ngushticës së Hormuzit, Trump u shpreh se shumë senatorë dhe kongresmenë janë zemëruar me ta.

“Shumë kongresmenë janë të zemëruar me NATO. Nuk ka bërë asgjë për Ngushticën e Hormuzit”, tha ai ndër të tjera.

Trump më tej minimizoi perspektivat e një armëpushimi me Iranin, duke pretenduar se SHBA-të kanë epërsinë dhe do të donin një fund vendimtar të luftës.

“Epo, shikoni, ne mund të kemi dialog, por e dini, unë nuk dua të bëjmë një armëpushim”, tha Trump.

Presidenti shtoi se SHBA dhe Izraeli duan gjëra pak a shumë të ngjashme në luftën me Iranin.

“Marrëdhëniet janë, janë shumë të mira, mendoj se po. Ne duam gjëra pak a shumë të ngjashme”, i tha presidenti.

Komentet e Trump vijnë vetëm disa orë pasi ai i quajti aleatët e NATO-s “frikacakë” për shkak se nuk i ndihmuan SHBA-të të siguronin Ngushticën e Hormuzit , e cila mbetet praktikisht e mbyllur ndërsa çmimet globale të naftës rriten.