Vonesa të shumta në aeroportet e Europës gjatë verës, shkak mungesa e stafit

Vonesat e fluturimeve do të jenë të pashmangshme në shumicën e aeroporteve të Europës këtë verë.

Në aeroportin Schiphol, Holandë ka mungesë personeli nga mungesa e financimit, i cili pësoi një rënie të madhe prej fillimit të pandemisë.

Pas heqjes së kufizimeve të COVID-19 nga shumë vende, të gjithë aeroportet në Europë kanë luftuar për të përballuar fluksin e papritur të udhëtarëve.

Sipas Drejtorëve të Përgjithshëm të Aeroporteve të Europës, Olivier Jankovec dhe Fabio Gamba, përballja me këtë rritje të papritur dhe me përqendrimin e trafikut ajror ka qenë sfiduese për aeroportet dhe partnerët e tyre operacionalë, duke veçuar operatorët tokësorë.

66 për qind e aeroporteve të Europës presin që vonesat e fluturimeve të rriten për udhëtarët për shkak të fluksit të madh të fluturimeve.

Arsyeja e vonesave nëpër aeroporte do të ndodhë për shkak se numri i stafit nuk është në nivelet e kërkuara nga aeroportet.

Oficeri kombëtar i unionit të aviacionit, Oliver Richardson ka deklaruar se Europa ka pranuar se pagat e dobëta dhe kushtet e punës, duke përfshirë punën nga e hëna në të premte pa pushim po ndërlikon ri-punësimin e stafit nëpër aeroporte.

Gjysma e aeroporteve parashikojnë rritje të vonesave në fluturime, ku 16 për qind e tyre presin që anulimet e fluturimeve të rriten.

35 për qind e aeroporteve europiane kanë deklaruar se kriza e stafit të aeroportit dhe transportit tokësor do ndikojë në fluturimet e këtij sezoni veror.

LEXONI GJITHASHTU:

• 2 avionë të rinj i shtohen flotës së ‘Air Albania’