Viti 2019 pa diskutim ishte viti i futbollit anglez. Liverpool e Tottenham diskutuan mes tyre trofeun e Champions League ndërsa Arsenal dhe Chelsea atë të Europa League.
Një dominim total i ishullorëve që u treguan të gjithëve se të zotët e futbollit vijojnë të jenë ata.
Liverpool Fiton Champions League
Pasi bëri provat gjenerale në vitin 2018 me atë finale të humbur kundër Real Madrid më në fund erdhi edhe momenti i Liverpool–it. The Reds arritën që të ngjiteshin edhe një herë në fronin e Evropës pasi triumfuan 2-0 në finalen e Champions League përballë Totenham. Mohamed Salah dhe Origi kompletuan një sezon fantastik të Liverpoolit.
Një sezon pa diskutim për notën 10. Liverpool është gjithashtu një pretendent mjaft i fortë për të rrëmbyer trofeun sërish.
Chelsea Fitoi Europa League
Dominimin e ekipeve angleze e vijuan Chelsea dhe Arsenal. Dy ekipet përplasën brirët për trofeun e Europa League që në fund pa Blutë që të buzëqeshnin. Chelsea i drejtuar nga Maurizio Sarri arriti të triumfonte 4-1.
Menjëherë pas këtij suksesi tekniku Italian u nis drejt Tortinos aty ku nisi një aventure të re me Juventusin.
Portugalia fiton Nations League
Viti 2019 ishte dëshmitar i eventit më të ri futbollistitk në rang kombëtaresh, Liga e Kombeve që shpalli fituesin e saj të parë. Ishte Portugalia e Christiano Ronalos që pas Euro 2016-tës arriti të fitonte një tjetër trofe mjaft të rëndësishëm. Në fakt Luzitanët nuk ishin mes favoritëve pasi skuadra si Franca,Holanda apo Belgjika ishin më të kuotuarat për të triumfuar por ama futbolli luhet në fushë dhe jo në letër.
Kampionët e Evropës i surprizuan të gjithë duke rrëmbyer trofeun pas finales së fituar 1-0 përballë Holandës.
Manchester City fiton Premier League
Premier League provoi edhe një herë se jo me kot është kampionati më i fortë në botë. Titulli kampion ishte në diskutim deri në sekondat e fundit. Festa me pas ishte e Manchester Cityt.
Cityzens triumfuan me vetëm 1 pikë me shumë se rivalet e Liverpool. Një përplasje në distancë mes dy superfuqive të futbollit anglez që mbajti në ankth tifozë të shumtë të të dyja ekipeve.
Skuadra e drejtuar nga Pep Guardiola gaboi më pak dhe në fund u shpërblye me titullin kampion.
Barcelona fiton La Liga
Në kampionatin spanjoll u luajt melodia e zakonshme. Barcelona arriti të siguronte titullin e 26-të në La Liga dhe të tetin në 11 vitet e fundit. Një rekord edhe për Lionel Messin që u bë i pari futbollist që arrin të fitojë 10 kampionate me fanellën e Barcelonës.
Messi, Topi i Artë
Ky nuk ishte i vetmi rekord për argjentinasin. Messi u konfirmua edhe një herë si futbollisti më i mirë në botë pasi arriti të fitonte topin e artë për herë të gjashtë në karrierë.
Pas këtij suksesi mbreti i futbollit botëror është ai pasi askush nuk ka arritur të fitojë topin e artë sa Messi.
Bayern Munich fiton Bundesligëm
Për herë të shtatë radhazi Bayern Munich arriti që të triumfonte në Bundesligë. Përpos kampionatit, bavarezët arritën të rrëmbenin edhe kupën. Kjo ishte hera e 12 në historinë e tyre që fituan si kupën e Gjermanisë ashtu edhe Bundesligën brenda një sezoni të vetëm.
Juvetusi Fiton Serinë A
Juventusi vuri shumë objektiva në 2019 por nuk arriti t’i përmbushte të gjitha. Bardhezinjtë synonin të fitonin tripletën e famshme që përfshin Championsa League së bashku me Kampionatin dhe Kupën.
Zonja e vjetër u kënaq vetëm me titullin kampion. Megjithatë sezoni nuk ishte edhe aq i keq, ai u bë e para skuadër në pesë kampionatet më të forta në Evropë (Seria A, Bundesliga, La Liga, Premier League, Ligue One) që fiton titullin kampion për tetë sezone radhazi.
PSG fiton Ligue One
Ndërsa për PSG kampionati francez ishte një lojë fëmijësh. Parizienët arritën që të siguronin titullin kampion me 16 pikë më shumë se vendi i dytë që mbahej nga Lile.
Lews Hamilton fiton Botërorin e Formula 1
Një sezon fantastik për Lewis Hamilon që arriti që për herë të gjashtë në karrierën e tij të siguronte titullin kampion bote në Formula 1. Tashmë nuk është lajm që Hamilton është pjesë e padiskuteshme e legjendave të Formula 1.
Synimi i radhës për britanikun është të rrëzojë nga Froni Michael Schumacer që është rekordmen absolut me shtatë tituj kampion bote dhe të bëhet ai mbreti i ri në Fomula 1.
Marc Marquez fiton Moto Gp
T’i rëmbesh titullin kampion bote Marc Marquez në Moto GP sa vjen e bëhet një mision gjithnjë e më i vështirë. Spanjolli zhvilloi një sezon thjesht fantastik duke mbyllur llogaritë e titullit katër gara para fundit të kampionatit. Ky ishte titulli i gjashtë për të në karrierë, në të gjitha kategoritë.
Brazili fiton Kupën e Amerikës
Një vit mjaft i mbarë edhe për kombëtaren braziliane që arriti të fitonte një trofe të rëndësishëm pas 12 vitesh pritje. Pesë herë kampionët e botës triumfuan në kupën e Amerikës pasi mposhtën 3-1 në finale Perunë.
Një sukses që u arrit pa Neymar në skuadër por që është një ogur i mirë për të ardhmen që premton shumë.
SHBA, Kampione Bote për Femra
Në fund duhet edhe qershia mbi tortë.
Futbolli i femrave po merr përditë e më shumë një vëmendje të madhe. Një nga eventet më të rëndësishme sportive ishte kampionati botëror. Pa diskutim që kombëtarja e Shteteve të Bashkuara të Amerikës është ajo që komandon.
Këtë vit ata arritën të fitonin botërorin e katërt në karrierë dhe të dytin radhazi një rekord që nuk e ka arritur asnjë skuadër përpara tyre. Fitorja 2-0 përballë Holandës në finale me gola të Megan Rapinoe dhe Rose Lavelle.
