Vrasja e George Floyd, prokurorët kërkojnë 30 vite burg për oficerin e policisë

Prokurorët kanë kërkuar 30 vite burg për vrasjen e George Floyd. Ish-oficeri i policisë, Derek Chauvin është shpallur fajtor për ngjarjen e ndodhur në prill dhe vendimi pritet të jepet më 25 qershor.

Të mërkurën, prokurorët thanë se vrasja ka “tronditur ndërgjegjen e kombit” dhe nevojitet dënim i ashpër.

Nga ana tjetër, avokatët mbrojtës e përshkruan vrasjen si “një gabim i bërë me qëllim të mirë” nisur nga stërvitja e Chauvin duke thënë se klienti i tij “ishte i pa shqetësuar se po bënte një krim”.

Vrasja e George Floyd shkaktoi në të gjithë botën një valë demonstratash kundër racizmit dhe përdorimit të forcës nga policia.

Ngjarja e rëndë erdhi pasi Floyd bleu një paketë cigare në dyqan, shitësi mendoi se kishte përdorur një kartëmonedhë të falsifikuar dhe i telefonoi policisë pasi Floyd refuzoi t’i kthente cigaret.

Kur oficerët e policisë mbërritën, e nxorën nga makina dhe e prangosën. Floyd nisi të bërtiste në momentin që po tentonin ta fusnin në makinën e policisë duke u thënë se ishte klaustrofobia (frikë nga vendet e mbyllura).

Ata e shtrinë përtokë dhe një nga oficerët i vendosi gjurin pas qafe për gati 9 minuta. Gjatë kësaj kohe, Floyd thirri më shumë se 20 herë se nuk arrinte të merrte frymë. Kur mbërriti ambulanca, ia ishte pa ndjenja dhe u deklarua i vdekur një orë më pas.