Vriten 3 gazetarë evropianë në Afrikë, po bënin një dokumentar mbi gjuetinë e paligjshme

Dy gazetarë spanjollë dhe një irlandez, janë vrarë në shtetin afrikan të Burkina Fasos, një ditë pasi ishin marrë peng nga një grup personash të armatosur.

Reporterët ranë pre e një prite të ngritur ndaj një patrulle agjentësh kundër gjuetisë pa leje, me të cilën po bashkëpunonin.

Kryeministri Pedro Sanchez konfirmoi vdekjen e dy gazetarëve spanjollë, përmes një postimi në rrjetet sociale ku shprehej se, “lajmi më i keq është konfirmuar”.

“Mendimet tona janë për të afërmit dhe miqtë e David Beriain dhe Roberto Frail, të vrarë në Burkina Faso. Ne shprehim mirënjohjen tonë për ata gazetarë kurajozë që raportojnë përditë nga zonat e luftës”, deklaroi Sanchez.

Edhe ministrja e Jashtme spanjolle, Arancha Gonzales Laya tha më herët gjatë së martës së pavarësisht se informacionet që vinin nga vendi i Afrikës Perëndimore ishin konfuz, të dhënat tregonin se trupat e viktimave ishin ato të dy gazetarëve.

Ata ndodheshin në lokalitetin Pama, duke bërë një dokumentar për gjuetinë e paligjshme në rajon.

Sipas ministres spanjolle, zona në fjalë është e rrezikshme pasi verifikohen shumë sulme të grupeve xhihadiste, përfshirë ISIS.