Vriten rreth 110 mijë pula në Gjermani, shkak gripi i shpendëve

Rreth 110 mijë pula janë vrarë për shkak të shpërthimit të gripit të shpendëve H5N8 në një fermë në Gjermaninë veriore, thanë zyrtarët.

Infeksioni u konfirmua në një fermë vezësh në Langëeg në distriktin Fecht në shtetin verior të Saksonisë së Poshtme, njoftuan autoritetet e qarkut Fecht, raporton Reuters.

Fehta është rajoni kryesor për prodhimin e shpendëve. Rreth fermës ku u konstatua infeksioni u vendos një zonë izolimi me një diametër prej tre kilometrash, plus një zonë vëzhgimi me një rreze prej dhjetë kilometrash, thuhet në njoftim. Në atë zonë ka 352 ferma shpendësh.

Përhapja e gripit të shpendëve në botë shqetëson qeveritë dhe industrinë e shpendëve, sepse ky virus shumë ngjitës po shkatërron tufat, duke çuar në kufizime tregtare dhe rrezik të transmetimit te njerëzit, megjithëse rreziku i sëmundjeve njerëzore konsiderohet i ulët.

Në qershor, Ministria Franceze e Bujqësisë hoqi kufizimet mbarëkombëtare në fermat e shpendëve lidhur me gripin e shpendëve duke përmendur fundin e epidemisë pas krizës më të keqe të sëmundjes që çoi në asgjësimin e 16 milionë shpendëve.

LEXONI GJITHASHTU:

• Mbi 1 mln pula të ngordhura në qarkun e Durrësit nga gripi i shpendëve