Vritet se nuk dinte këngën/ Këngëtari turk qëllohet nga fansat brenda lokalit  

Onur Sener, këngëtar i njohur turk është vrarë fundjavën e kaluar në lokalin ku këndonte në Ankara. Mediat turke shkruajnë se artisti 45-vjeçar është qëlluar disa klientë të lokalit për shkak se nuk plotësoi kërkesën e tyre për të kënduar një këngë.

Tre prej klientëve që ndodheshin në lokal, pas refuzimit të Sener për të kënduar këngën e kanë qëlluar me sende të forta. Sipas policisë së Ankarasë, 45-vjeçari është goditur disa herë më shishe dhe grushte. Ai u dërgua me urgjencë në spital, por nuk arriti t’u mbijetonte plagëve të marra gjatë përleshjes në lokal.

Mjekët e spitalit deklaruan se këngëtari Sener kishte marrë plagë vdekjeprurëse nga goditjet me shishet e pijeve të lokalit.

Policia turke ka arrestuar pesë persona të dyshuar për ngjarjen e rëndë. Tre prej te arrestuarve akuzohen si autorë direkt të vrasjes, ndërsa dy të tjerë si bashkëpunëtor.

Artistë të njohur dhe organizata turke të artit e kanë dënuar ngjarjen e rëndë. Ata kanë kërkuar që në baret e natës të ketë kontroll më të madh policore dhe të mos lejohen njerëz që mbajnë armë.

Nëna e këngëtarit që humbi jetën, teksa përcolli për në banesën e fundit të birin ka thënë për mediat se i biri i saj u vra për një këngë.

LEXONI GJITHASHTU: 

• Kosova ‘del’ në det, nis zhdoganimi i mallrave në Portin e Durrësit
• Punësimi i të huajve, bizneset: Janë punëtorë, vijnë për paga të larta