Vuante nga leucemia akute, mjekët italianë shërojnë 14-vjeçarin

Gazeta italiane “La Republika” raporton se një 14-vjeçar, i cili vuante nga një formë e rëndë e leuçemisë akute është shëruar me anë të trajtimi revolucionar imunoterapik në një spital në Romë.

Përkundër formës tradicionale të kimioterapisë, imunoterapia pastron me shpejtësi dhe në mënyrë selektive gjakun nga qelizat kancerogjene.

Duke ndjekur këtë kurë, mësohet se dëmi ndaj organeve të trupit është më i ulët. Megjithatë, mjekët e spitalit “Bambino Xhezu”, ku edhe u arrit kura e suksesshme, shprehen se jo të gjithë pacientët reagojnë njësoj ndaj së njëjtit trajtim.