Vuçiç del hapur kundër Putin: Pretendimet ruse ‘një mashtrim’, s’ka ndryshim kufijsh

Si do ta presë Putini këtë deklaratë të hapur kundër Rusisë nga Serbia?

Presidenti serb Aleksandër Vuçiç sapo ka bërë një deklaratë e cila e vendos Serbinë në një pozicion edhe më të vështirë me një nga aleatët e saj më të rëndësishëm.

Serbia ‘nuk do t’i njohë’ rezultatet e referendumeve ‘të rreme’ sipas saj në 4 rajone të okupuara të Ukrainës, tha presidenti serb Aleksandar Vuçiç.

Pritet që Vladimir Putin të shpallë aneksimin e katër rajoneve – Donetsk, Luhansk, Kherson dhe Zaporizhzhia – në një fjalim ditën e premte.

Që tani kanë nisur të bëhen përgatitjet për një ngjarje në Sheshin e Kuq në Moskë, me pankarta ku shkruhet: “Donetsk, Luhansk, Kherson dhe Zaporizhzhia – Rusi!”

“Serbia … nuk do t’i njohë ato (referendumet) pasi i përmbahet ligjit ndërkombëtar, Kartës së Kombeve të Bashkuara dhe rezolutave të OKB-së,” tha Vuçiç.

Serbia, një kandidate për anëtarësim në Bashkimin Evropian, është e varur nga Rusia për furnizimet e saj me gaz natyror dhe ka refuzuar t’i bashkohet sanksioneve perëndimore.

Ajo gjithashtu ka refuzuar vazhdimisht të mbështesë pushtimin rus të Ukrainës në Kombet e Bashkuara dhe thotë se e respekton plotësisht integritetin territorial të Ukrainës.

Me sa duket, me anë të këtij vendimi, Vuçiç i trembet një skenari të ngjashëm dhe një precedenti i cili do të legjitimonte shpalljen dhe njohjen e pavarësisë së Kosovës.

“Ne po mbrojmë integritetin tonë territorial dhe është në interesin tonë më të mirë të mbrojmë integritetin territorial të vendeve të tjera të njohura ndërkombëtarisht”, tha Vuçiç.

LEXONI GJITHASHTU:

• Pse referendumi i sotëm rrezikon ‘fillimin e fundit të luftës’ në Ukrainë?
• Marrëveshja me Rusinë, Vuçiç: Serbia po sulmohet për një dokument burokratik
• Vuçiç: Më 8 tetor u drejtohem serbëve, do rritet presioni ndaj Serbisë për Kosovën