Vuçiç pas bisedës me Putinin: Rusia mbështet autoritetet në Serbi

Presidenti i Serbisë, Aleksandër Vuçiç, pas një bisede telefonike me presidentin rus, Vladimir Putin, tha se Moska e mbështet legjitimitetin e Qeverisë së zgjedhur në Serbi dhe se gjithmonë e ka mbështetur entitetin Republika Sërpska në Bosnjë e Hercegovinë.

Vuçiq tha se ka diskutuar me presidentin rus më 7 mars lidhur me situatën në Serbi dhe rajon, por edhe për çështje të tjera të rëndësishme, përfshirë arritjen e një marrëveshjeje të re për gaz me Rusinë dhe për çështjen e sanksioneve amerikane ndaj Industrisë së Naftës të Serbisë (NIS).

Ai po ashtu tha se është konfirmuar takimi i tij me Putinin në Moskë më 9 maj.

Në një video-adresim, të publikuar në llogarinë e tij në Instagram, Vuçiq tha se ka biseduar me presidentin rus lidhur me “përpjekjen për revolucionin shumëngjyrësh në Serbi”.

“Rusia e kupton dhe e sheh shumë mirë se çfarë po ndodh dhe do të vazhdojë të mbështesë autoritetet ligjore dhe të zgjedhura në mënyrë legjitime në Serbi”, tha Vuçiç.

Përfaqësuesit e autoriteteve në Beograd, po i quajnë protestat disamujore në Serbi, që po organizohen për të kërkuar përgjegjësi për vdekjen e 15 personave nga shembja e një strehe betoni në stacionin hekurudhor në Novi Sad, përpjekje për një revolucion shumëngjyrësh.

LEXONI GJITHASHTU:

• “Gënjeshtar”| Raportuesi i Serbisë në PE i përgjigjet Vuçiç: Nuk erdhi në takim
• “Gënjeshtar”| Raportuesi i Serbisë në PE i përgjigjet Vuçiç: Nuk erdhi në takim