X kufizon krijimin e imazheve me IA në Grok, akses vetëm përdoruesit që paguajnë

Platforma “X” e Elon Musk ka kufizuar redaktimin e imazheve me inteligjencën artificiale përmes “Grok”. Akses do të kenë vetëm për përdoruesit që paguajnë. Ky vendim ka ardhur pasi “X” u kritikua ashpër për lejimin e njerëzve të krijojnë deepfake me përmbajtje seksuale.

Chatbot-i përmbushte kërkesat e përdoruesve për të ndryshuar dixhitalisht imazhet e njerëzve të tjerë duke i zhveshur ata pa pëlqimin e tyre. Tani Grok do të krijojë materiale vetëm për abonentët me pagesë.

Ata që nuk janë të abonuar mund ta përdorin Grok për të modifikuar imazhet në aplikacionin dhe faqen e tij të internetit të veçantë. Që nga mëngjesi i së premtes, Grok u ka thënë përdoruesve që i kërkojnë të ndryshojë imazhet e ngarkuara në X se gjenerimi dhe redaktimi i imazheve aktualisht janë të kufizuara vetëm për abonentët që paguajnë.