Zbulohet plantacioni me 5050 bimë kanabisi në Greqi, në pranga dy shqiptarë

Policia greke ka zbuluar një plantacion të madh kanabisi në një zonë të paarritshme në Olimp. Mediat greke bëjnë me dije se janë zbuluar 5052 rrënjë kanabisi, sasia më e madhe e bimëve të kanabisit të kapura  në vitet e fundit.

Mësohet se në kuadër të operacionit në pranga kanë rënë dy shqiptarë.

Ministria e Mbrojtjes së Qytetarëve zhvilloi të martën një konferencë për gazetarët mbi zbulimin e fundit të një kultivimi të madh kanabisi në një zonë malore të Olimpit, në kufijtë e prefekturave Larisa-Pieria,

Ky është plantacioni i dytë i madh i zbuluar në një kohë të shkurtër nga Prokuroria e Narkotikëve pranë Nën Drejtorisë së Sigurisë së Larisës, pasi u parapri nga zbulimi i 2100 fidanëve kanabis në muajin gusht në një zonë malore të Bashkisë Agia.

Në operacion morën pjesë mbi 120 policë, ndërsa sipas një deklarate të Sindikatës së Policisë së Larisës, u deshën më shumë se dy orë ecje në shtigje të përafërta për të mbërritur në vendngjarje.

Për shkak të terrenit të vështirë dhe të pjerrët të zonës, transporti i fidanëve të kanabisit është kryer me asistencën e Shërbimit të Transportit Ajror të Zjarrfikësve.

LEXONI GJITHASHTU: 

• 32 të arrestuar në Spanjë për lidhje me Ngrangheta-n, mes tyre shqiptarë
• Çmontohet rrjeti i krimit të organizuar, sekuestrohen 4 mln euro e qindra kg drogë
• Sekuestrohen mallra të kontrabanduara, në pranga 59 vjeçari në Tiranë