Zbulohet punishtja e lashtë e verës në Irak

Arkeologët në Irak zbuluan atë që dyshohet të jetë punishtja e verës më e vjetër në Lindjen e Mesme. Bëhet fjalë për një strukturë guri 2 mijë e 700-vjeçare e zbuluar në provincën e Duhokut.

E zbuluar nga një grup arkeologësh italianë nga Universiteti i Udines, në bashkëpunim me autoritetet lokale në Duhok, ekipi po punon për ta shtuar strukturën antike në listën e trashëgimisë botërore të UNESCO-s.

14 basenet që përbëjnë punishten e verës kanë formën e rrethit dhe janë të gërmuara në vetë pjesën gurore të malit, që ndodhet në atë që dikur ishte Mesopotamia veriore, ndërsa tani është fshati modern i Khanasit.

Sinkron Baikaz Gemal Eldin, shef i Departamentit të Arkeologjisë, Dohuk:

“Historia e kësaj punishteje daton në epokën e mbretit Sennacherib, rreth 2.700 vjet më parë. Besohet se ajo është e para në rajonin e Mesopotamisë veriore dhe e dyta në Lindjen e Mesme dhe ndoshta edhe në botë”.

Arkeologët deklaruan se zbulimet paraprake sugjerojnë se punishtja është më e vjetra në rajon dhe e dyta në botë.