​Presidentja Vjosa Osmani zgjat mandatin teknik të EULEX-it

Presidentja e Kosovës Vjosa Osmani, përmes një letre drejtuar shefit të diplomacisë evropiane Josep Borrell ka konfirmuar vazhdimin e mandatit të Misionit të BE-së për Sundimin e Ligjit në Kosovë (EULEX) edhe për një vit.

Presidentja e Kosovës thotë se ky mandat mund të zgjatet edhe për një viti tjetër, nëse puna dhe performanca e EULEX vlerësohet pozitivisht.

Po ashtu, Osmani i ka kërkuar EULEX-it mbështetje teknike e këshillëdhënëse në çështjet që dalin nga Konventa e Stambollit për parandalimin dhe luftimin e dhunës ndaj grave dhe dhunës në familje.

Mes tjerash, znj. Osmani pohon se mandati i EULEX është teknik, monitorues dhe në përputhje me Kushtetutën e vendit.

“Ky mandat i EULEX-it është mandat teknik, i bazuar ekskluzivisht vetëm në rol këshillëdhënës, mentorues dhe monitorues në përputhje me Kushtetutën e Kosovës”, thuhet në një njoftimin e presidencës së Kosovës.