​Qeveria e Kosovës miratoi një paketë ndihme 20 milionë euro për sektorët e prekur nga pandemia

Qeveria e Kosovës ka miratuar një paketë ndihmë prej 20 milionë eurosh për të stimuluar bizneset, sektorin e shëndetësisë dhe sigurisë në përballjen me Covid-19.

8.5 milionë euro shkuan për skemat sociale dhe pensionale, 6 milionë bizneseve të prekura nga masat e fundit të ekzekutivit dhe 5 milionë euro të tjera për sektorin shëndetësor dhe sigurisë.

I pyetur në lidhje me bonuset e qeverisë, ministri i financave, Hekuran Murati u shpreh se pa u trajtuar fillimisht problemi shëndetësor dhe imunizimi nuk mund të flitet për një hapje totale.

Ndërkaq, ministrja e Industrisë, Ndërmarrësisë dhe Tregtisë, Rozeta Hajdari tha se këtë pako e kanë bërë vetëm në bazë të buxhetit që kanë trashëguar nga qeveria e kaluar.