​Vjosa Osmani: Zvicra e gatshme për ta ndihmuar Kosovën në sigurimin e vaksinave

Ushtruesja e detyrës së presidentit të Republikës së Kosovës, Vjosa Osmani zhvilloi një takim me ambasadorin e Zvicrës në Kosovë, Thomas Kolly.

Me anë të një njoftimi të shpërndarë për mediat, zyra e shtypit të presidentes Osmani thotë se pritet, që mes Kosovës dhe Zvicrës të ketë bashkëpunime në disa fusha.

“U.d. Presidentja Osmani theksoi poashtu që si rezultat i kësaj vizite, tashmë janë ndërmarrë hapat e parë për konkretizimin e bashkëpunimit ndërparlamentar dhe që shumë shpejt do të iniciohen projekte e nisma të tjera në fusha të ndryshme konform prioriteteve zhvillimore të qeverisjes së re”, thuhet në njoftim.

“Duke folur për situatën aktuale me pandeminë, u.d. Presidentja Osmani vlerësoi lartë gatishmërinë e autoriteteve zvicerane për të parë mundësitë për të ndihmuar Kosovën në sigurimin e vaksinave”, sqarohet më tej.