1 muaj paraburgim për shoferin e autobusit që shkaktoi aksidentin në Kroaci

Gjykata kroate vendosi që të arrestohet shoferi i autobusit që shkaktoi aksidentin me 10 të vdekur në Kroaci. Shoferi do të jetë një muaj në paraburgim, për shkak të rrezikut se mund të arratiset nga vendi.

Dyshohet se përgjumja e shoferit është bërë shkak për aksidentin, por ende nuk ka një version zyrtar për ngjarjen.

Pas arrestimit, vetë shoferi nuk dha asnjë dëshmi.

“Në asnjë moment ai nuk më tha se ishte në gjumë”, tha avokati i tij.

Dhjetë persona humbën jetën dhe 44 të tjerë u lënduan ditën e diel nga aksidenti i autobusit me targa të Kosovës, që udhëtonte tranzit në Kroaci.

LEXONI GJITHASHTU:

• Një nga të aksidentuarit në Kroaci në gjendje të rëndë, 15 të tjerë në trajtim
• Përgjumja e shoferit të autobusit mund të ketë shkaktuar aksidentin me 10 viktima në Kroaci
• Të plagosurit nga aksidenti në Kroaci jashtë rrezikut për jetën, thotë deputetja
• 10 të vdekur e 44 të plagosur nga aksidenti i një autobusi të Kosovës në Kroaci