10 mijë dollarë për motoçikleta në KLGJ, do përdoren për transport dokumentesh

Këshilli i Lartë Gjyqësor kërkon të blejë 9 motorë, të cilët do të përdoren për qëllime të brendshme të institucionit.

Në rrugët e Tiranës, prej vitesh motorët e vegjël përdoren për të shpërndarë pica. Si mjet i shpejtë dhe praktik, kjo ka qenë zgjidhja e vetme e bizneseve për t’u shërbyer pa vonesë klientëve.

Por, ideja për të punuar me motoçikleta është marrë edhe nga KLGJ. Ky institucion ka vënë në dispozicion 1.1 milionë lekë, ose 10 mijë dollarë.

Tenderi është hapur në datën 23 shtator dhe kushtet tregojnë se motorët duhet të jenë prodhim i vitit 2021 me kilometrazh 0. Bashkë me ta, KLGJ synon të marrë edhe pajisje shtesë si kokore, veshje mbrojtëse kundër shiut për drejtuesit dhe bagazh të montuar, të ngjashëm me motorët e picerive.

Institucioni argumenton se i kërkon këto mjete për nevoja të brendshme, ku synohet transporti i dokumenteve apo porositë e nevojshme për persona.

Sipas tenderit, çdo operator mund të shprehë interes, pasi KLGJ nuk specifikon emrin e ndonjë marke apo origjine për prodhuesin. 

LEXONI GJITHASHTU: 

• 6 gjyqtarët që kanë shprehur interes për t’u bërë pjesë e KLGJ-së
• Gjashtë kandidatët që synojnë të zgjidhen anëtarë të KLGJ
• Ndryshime kushtetuese për vettingun, KLGJ e KLP s’mund të vijojnë procesin për shkak të mbingarkesës