10 të vdekur nga COVID-19 në Shqipëri

Numri i vdekjeve nga COVID-19 në vend po shënon rritje gjatë ditëve të fundit. 10 persona kanë humbur jetën nga COVID gjatë 24 orëve të fundit, ndërsa janë konfirmuar 826 infektime të reja me virusin.

Rastet pozitive kanë dalë nga 5150 testime që janë kryer.

Në 24 orët e fundit janë shëruar 916 qytetarë, duke e çuar numrin e të shëruarve në 151,914 që nga fillimi i pandemisë.

Aktualisht në vend janë 12,157 pacientë me COVID-19. 211 pacientë po trajtohen në spitalet COVID, nga të cilët 18 janë në gjendje më të rënduar.

Ministria e Shëndetësisë u bën apel qytetarëve që të vaksinohen kundër COVID-19. Çdo qytetar mbi 18 vjeç mund të marrë vaksinën anti-COVID në një prej qendrave të vaksinimit.

Statistika (24 Shtator 2021)

Raste të reja ditore        826

Të shëruar në 24 orë      916

Të shtruar në spitale       211

Humbje jete në 24 orë     10

Testime ditore    5150

Shpërndarja gjeografike e rasteve aktive sipas qarqeve:

Tiranë  5385

Durrës  1169

Fier  1151

Shkodër   1118

Vlorë   686

Elbasan   625

Lezhë   509

Berat   491

Korçë   310

Kukës   291

Gjirokastër   225

Dibër    197

LEXONI GJITHASHTU:

• COVID po bëhet më i aftë të përhapet nëpërmjet ajrit, sipas studimit