Ministri i Punëve të Brendshme të Kosovës, Xhelal Sveçla deklaroi se 11-vjeçarja e dhunuar më 27 gusht në Prishtinë nga pesë persona, është dhunuar për më shumë se një vit.
Sveçla bëri me dije se autoritetet e sigurisë kanë dalë me këto informacione gjatë hetimeve që janë duke u kryer për rastin.
“Përgjatë hetimeve, kemi kuptuar se nuk bëhet fjalë për një rast, fatkeqësisht nuk bëhet fjalë as për dy raste, por bëhet fjalë për më shumë raste të keqpërdorimit dhe dhunimit të të miturës 11-vjeçare”, tha ai.
Sveçla i ka bërë thirrje kryeshefit të Inspektoratit Policor të Kosovës, që të gjithë hetuesit policorë të përfshirë në këtë rast, të thirren në cilësinë e dëshmitarëve.
11-vjeçarja është përdhunuar edhe nga pesë persona më 27 gusht. Për pesë të dyshuarit, autoritetet në Kosovë kanë caktuar masën e paraburgimit prej nga një muaji për secilin.
Për rastin, më 30 gusht ka dhënë dorëheqje drejtori i përgjithshëm Policisë së Kosovës, Samedin Mehmeti për “arsye personale dhe ndërgjegje profesionale”.
Një ditë pas dorëheqje ka dhënë edhe Ali Gashi, i cili ka udhëhequr Drejtorinë për trajtimin e të burgosurve dhe të miturve në Shërbimin Korrektues të Kosovës.
LEXONI GJITHASHTU
- Rasti i 11-vjeçares, Albin Kurti: Vetting gjyqtarëve dhe prokurorëve
- 1 muaj paraburgim për gjashtë personat e dyshuar për trafikimin e 11-vjeçares
- Arrestohen edhe gjashtë persona të dyshuar për trafikimin e 11-vjeçares
