11 zyrtarë të Kombeve të Bashkuara të arrestuar në Jemen, OKB kërkon lirimin

Forcat e sigurisë të rebelëve Houthi në Jemen kanë arrestuar 11 zyrtarë të Kombeve të Bashkuara gjatë tre ditëve të fundit, tha zëdhënësi i OKB-së Stefan Dizarik, duke shtuar se organizata botërore po kërkon lirimin e menjëhershëm dhe të pakushtëzuar të tyre.

Diyarik vuri në dukje se OKB-ja është shumë e shqetësuar për arrestimin e personelit të saj dhe se ata i kërkuan Houthis të shpallin arsyen e arrestimit, raportoi Reuters.

Nw deklaratwn pwr media  OKB tha se bëhet fjalë për dy gra dhe nëntë burra që punojnë për pesë agjenci të ndryshme të OKB-së. Në mesin e të arrestuarve janë stafi i Agjencisë së OKB-së për të Drejtat e Njeriut, Programi i Zhvillimit, Programi Botëror i Ushqimit, si dhe një punonjës që punon për zyrën e të dërguarit të posaçëm të OKB-së, si dhe gruaja e një punonjësi.

“Ne po kërkojmë të gjitha kanalet në dispozicion për të siguruar lirimin e pakushtëzuar të të gjithëve sa më shpejt të jetë e mundur,” tha Dizarik.

Lufta në Jemen ka vrarë të paktën 150,000 njerëz që nga viti 2014, dhe mijëra njerëz janë burgosur gjatë luftës. Houthi-t arrestuan më parë katër zyrtarë të tjerë të OKB-së, dy në 2021 dhe dy të tjerë në 2023, të cilët mbeten të ndaluar.

LEXO GJITHASHTU:

• Shefi i OKB-së: Izraeli do futet në listën globale për shkelje ndaj fëmijëve
• Gaza| OKB: Liderët më të interesuar për pushtet sesa për t’i dhënë fund konfliktit