124 vjet e 8 muaj burg për “Avdylajt”, Apeli lë në fuqi dënimin Shkallës së Parë për grupin kriminal

Gjykata e Posaçme e Apelit kundër Korrupsionit la në fuqi dënimin e Shkallës së Parë për grupin Avdylaj.

Shtatëmbëdhjetë personat, mes tyre Altin Avdylaj, Hekuran Hoxha apo dhe Admir Hoxha u dënuan në total me 124 vite e 8 muaj burg.

Pjesëtarët e grupit kriminal u hetuan dhe akuzuan për laboratorin drogës në Has, kapur në vitin 2018.

Personat e dënuar u arrestuan në shtator 2018 në operacionin “Volvo-4”, pas përgjimeve për dyshime në përfshirjen e trafiku të drogës. Pikërisht nga përgjimet u zbulua se disa prej të akuzuarve ishin përfshirë dhe në manipulimin e zgjedhjeve të 2017 në Qarkun e Durrësit.

Altin Avdylaj dhe grupi i tij akuzohen për trafik droge dhe pjesëmarrje në grup të strukturuar kriminal. Sipas Prokurorisë, ata prodhonin heroinë në laboratorin e Hasit dhe më pas e trafikonin atë jashtë shtetit.

Shtatëmbëdhjetë të hetuarit u gjetën fajtorë edhe në Apel për akuzat e trafikut të narkotikëve, por edhe grupit kriminal.

Dënimi

• Gjevi Ndoka, 8 vjet 8 muaj
• Altin Avdyli, 6 vjet 8 muaj
• Esat Mehmeti, 10
• Petrit Suljemani, 8 vjet 8 muaj
• Sajmir Sulejmani, 8
• Hajri Seferi, 10 vjet 8 muaj
• Orges Jahoelezi, 6 vjet 8 muaj
• Shkëlqim Avdyli, 4 vjet 8 muaj
• Mario Zeqiri, 4 vjet 8 muaj
• Elton Shehaj, 4 vjet 8 muaj
• Ardit Gjyriqi, 4 vjet 8 muaj
• Admir Hoxha, 12 vjet
• Hekuran Hoxha, 10 vjet 8 muaj
• Vehbi Berushi, 8 vjet
• Anila Shuti, 2 vjet – konvertim 25 muaj shërbim prove
• Xhavit Shyti, 8 vjet
• Flamur Çela, 8 vjet.

LEXONI GJITHASHTU:

• Dosja 339 l GJKKO dënon grupin e Avdylajve, 125 vite burg për 17 persona
• Bardhi i kujton Ramës implikimet e Avdylajve në përzgjedhjen e kandidatëve të PS-së në 2017-ën