127 pacientë me COVID-19 po trajtohen në Spitalin e Pejës, 25 në gjendje të rëndë

127 pacientë të infektuar me COVID-19 janë duke u trajtuar aktualisht në Spitalin e Pejës.

KosovaPress shkruan se 100 pacientë janë në oksigjeno-terapi, nga të cilët 25 pacientë të tjerë janë në gjendje më të rëndë.

Po ashtu, janë edhe 32 pacientë të infektuar me COVID-19 në këtë spital, 9 mjek, 12 infermier dhe 11 punëtor të administratës dhe shërbimit teknik.

“127 pacientë janë duke u trajtuar aktualisht në Spitalin e Përgjithshëm në Pejë me Covid-19. Sa i përket gjendjes së pacientëve: 4 Pacientë janë në Respirator, 100 pacientë janë në oksigjeno-terapi ndërsa nga këta 25 pacientë janë në gjendje më të rëndë. Nga Personeli i Spitalit të Përgjithshëm në Pejë aktualisht janë 32 të infektuar me Covid-19 dhe atë 9 Mjek, 12 Infermier dhe 11 punëtor të Administratës dhe Shërbimit Teknik”, thuhet në njoftimin e spitalit.

Ndërkohë bilanci i infektimeve dhe viktimave rëndohet çdo ditë e më shumë në Kosovë. Autoritet shëndetësore në Kosovë bënë më dije një ditë më parë së gjatë 24 orëve të fundit kanë humbur jetën 16 pacientë të prekur nga Covid-19 dhe janë konfirmuar 626 të tjerë pozitivë.

Lexoni gjithashtu:

Shifra të larta në Kosovë, numri total i viktimave nga Covid-19 kalon mbi 1000