Figura të rëndësishme të diplomacisë, politikës dhe zyrtar të lartë të SHBA-së u bënë bashkë për të celebruar 15 vjetorin e anëtarësimit të Shqipërisë në NATO.

15-vjetori i anëtarësimit të Shqipërisë në NATO bëri bashkë personalitete të politikës, diplomacisë historisë  dhe zyrtarë të lartë të SHBA-së, të cilët sollën kujtimet e tyre mbi këtë ngjarje historike për vendin tonë.

Ndërkohë Fatmir Mediu, ish-ministër i Mbrojtjes u shpreh se për të arritur deri në anëtarësim në aleancën euroatlantike  u kryen disa reforma duke bashkëpunuar me SHBA-në.

“Shqipëria de facto u bë anëtare e NATO-s kur erdhi Presidenti Bush në Tiranë, i cili jo vetëm nga pikëpamja protokollare që ne arritëm kulmin e marrëdhënieve me SHBA-në, por nga ana tjetër mendoj se dha dy mesazhe substanciale, Shqipëria në NATO dhe padyshim pavarësia e Kosovës”- tha Mediu.

Ish-ministri i Jashtëm Paskal Milo, rrëfeu një episod të vitit 1998 që konfirmon se marrëdhëniet e Shqipërisë me NATO-n kanë qenë të ngushta shumë vite para anëtarësimit.

“Marrëdhëniet e Shqipërisë me NATO-n u bënë shumë të ngushta, sa në atë kohë për herë të parë qeveria shqiptare kërkoi një mbledhje urgjente të këshillit të NATO-s në mars ’98. Dhe kjo mbledhje u zhvillua vetëm me kërkesë të qeverisë shqiptare, në raport me kërcënimet që i bëheshin rajonit”-tha ai.

Konferenca për 15-vjetorin e anëtarësimit të Shqipërisë në NATO u përshëndet edhe nga figura të rëndësishme të diplomacisë.

LEXONI GJITHASHTU: 

• Të paktën 15 të vdekur nga zjarri në një klub nate në Stamboll
• EMRI| Identifikohet drejtuesi i mjetit në aksidentin tragjik në Këlcyrë