‘165 refugjatë afganë u evakuuan në fillim të muajit përmes Shqipërisë’, FIFA falenderon kryeministrin Rama

Evakuimi i një grupi të dytë prej 57 refugjatësh nga Afganistani të lidhur me futbollin dhe basketbollin e grave, i përbërë kryesisht nga gra dhe fëmijë, është përfunduar pas negociatave, tha të premten zëdhënësi i FIFA.

Evakuime të shumta janë mundësuar që kur talebanët morën kontrollin e kryeqytetit të Afganistanit, Kabul më 15 gusht dhe shpallën një qeveri të re muajin e kaluar, pasi forcat e huaja të udhëhequra nga SHBA u tërhoqën dhe qeveria e mbështetur nga Perëndimi u rrëzua.

Javën e kaluar FIFA tha se kishte punuar me qeverinë e Katarit për të evakuuar pothuajse 100 futbollistë dhe familjet e tyre nga Afganistani. 57 personat në grupin e dytë u dërguan gjithashtu në Katar me anë të një fluturim çarter.

Në fillim të këtij muaji, FIFA kishte ndihmuar gjithashtu Unionin Ndërkombëtar të Çiklizmit në evakuimin e 165 refugjatëve nëpërmjet Shqipërisë.

“Ne dëshirojmë të shprehim falënderimet tona të sinqerta si për Emirin e Katarit, ashtu edhe për Kryeministrin e Shqipërisë, që na ndihmuan në këtë mision humanitar dhe për të gjithë ndihmën e tyre në zhvendosjen e sigurt të këtyre anëtarëve të komunitetit të futbollit në të tilla rrethana sfiduese”, tha presidenti i FIFA-s, Gianni Infantino.