Vritet koloneli i Gardës Revolucionare në Iran

Një Koloneli i Gardës Revolucionare Islamike në Iran, Sayad Khodai, është qëlluar për vdekje nga dy motoçiklistë të dielën në lindje të kryeqytetit, Teheran.

Dy Mediat lokale kanë raportuar se dy motoçiklistë të armatosur kanë shtënë pesë herë me armë zjarri kundër kolonelit, jashtë shtëpisë së tij.

Vrasje të këtij profili janë të rralla në këtë shtet.

Asnjë person nuk e ka marrë përgjegjësinë për sulmin deri më tani, dhe autoritetet janë në kërkim të të dyshuarve.

Ky sulm përbën shkeljen më të madhe të sigurisë në Iran prej vitit 2020, kur është vrarë një shkencëtar i njohur në vend.

Koloneli Khodai ka qenë anëtar i forcave elite, njësi e Gardës Revolucionare Islamike që kryen operacione jashtë vendit.

Shtetet e Bashkuara e akuzojnë këtë forcë për mbështetje të organizatave terroriste, dhe e shohin si përgjegjëse për sulmet në Lindje të Mesme.

Zëdhënësi i Ministrisë së Jashtme iraniane, Saeed Khatibzadeh, tha se koloneli është vrarë nga “armiq të betuar” të Iranit, të cilët janë “agjentë terroristë të lidhur me arrogancë globale” – referencë për Shtetet e Bashkuara dhe aleatët – dhe se shtetet tjera që “pretendojnë se luftojnë terrorizmin janë duke heshtur për keqardhje”.

LEXONI GJITHASHTU:

• Zelenski bën thirrje për njohjen zyrtare të Rusisë si ‘shtet terrorist’
• Franca parandalon një sulm terrorist