17-vjeçari shqiptar fiton 3 medalje ari në Kampionatin Evropian të Peshëngritjes

Peshëngritësi shqiptar 17-vjeçar, Ertjan Kofsha ka fituar 3 medalje ari në Kampionatin Evropian të Peshëngritjes për moshat U-15 dhe U-17, që po mbahet në Raszyn të Polonisë. Kofsha garoi në peshën 89 kg.

Ai ngriti 145 kg në stilin e shkëputjes, 168 në stilin e shtytjes, për ta mbyllur dygarëshin me plot 308 kg.

Pas këtij rezultati kombëtarja shqiptare e shtangës e mbylli me 6 medalje gjithsej Kampionatin Evropian, pasi disa ditë edhe Enkileda Carja fitoi tri medalje bronzi për moshat U-15.

Ministrja e Arsimit dhe Sportit, Evis Kushi shprehu krenarinë për këto rezultate.

LEXONI GJITHASHTU:

• Zgjedhjet në Federatën Botërore të Peshëngritjes për herë të parë në Shqipëri