1823 hektarë tokë nën ujë në Shkodër, Oboti dhe Dajçi janë zonat më problematike

Shumë hektarë tokë vijojnë të jenë nën ujë në qarkun e Shkodrës.

Gazetari i Euronews Albania Renaldo Salianji raportoi nga terreni se sipërfaqja totale e tokës, e cila është përmbytur është 1823 hektarë.

“Sipërfaqja totale e përmbytur mëngjesin e sotëm është 1823 hektarë, nga të cilat 950 vetëm në Njësinë Administrative Ana e Malit, ku zona më e rënduar është zona e Obotit. Rruga që të çon në fshatin Obot ka rreth 30 cm ujë. Kalimi bëhet vetëm me makinat e larta të ushtrisë”, u shpreh ai.

Ndërkohë, në Obot edhe ujësjellësi është jashtë funksionit.

“Deri më tani nuk ka filluar furnizimi me ujë për banorët në fshatin Obot. Ndoshta furnizimi me ujë do të zhvillojë gjatë orët në vijim”, u shpreh më tej gazetari.

Ndërsa, korrespodenti Teodor Gjerga raportoi se më problematike është dalja e Bunës nga shtrati, e cila ka bllokuar rrugën në zonën e Surrelit.

“Zonat më problematike janë ato të Obotit dhe Dajçit. Më problematike është dalja e Bunës nga shtrati, e cila ka bllokuar rrugën në zonën e Surrelit”, tha ai.

“Një zonë tjetër bëhet fjalë për zonën e Malit të Ujit, ku nuk kishte asnjë mjet ushtrie. Një segment rruge tërësisht i bllokuar”, përfundoi ai.

Lexoni gjithashtu:

Përmbytjet në Shkodër, Voltana Ademi: Situata është përkeqësuar, mbi 1700 hektarë tokë nën ujë

Përmbytjet në Lezhë, Pjerin Ndreu: Ka përmirësime, por situata mbetet problematike