Gjatë 24 orëve të fundit në Kosovë janë konfirmuar 2.390 raste të reja me COVID-19, ndërsa asnjë person nuk ka humbur jetën nga virusi.
Rastet e reja kanë dalë nga 10.336 testime që janë kryer, nga ku janë konfirmuar edhe 1.291 qytetarë të shëruar. Që prej fillimit të pandemisë në Kosovë janë shënuar 166.282 raste shërimi nga COVID.
Në rang vendi janë aktualisht 35.051 të infektuar.
Në 24 orët e fundit janë dhënë 2.556 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.776.133 doza të vaksinës.