“2 mijë lekë për minutë, do të jetë koificient i pagesës që Federata Shqiptare e Futbollit do t’u japë skuadrave të cilët aktivizojnë futbollistë të rinj të moshave 16-21-vjeç.

Kështu u shpreh presidenti i këtij institucioni, Armand Duka në një intervistë për “Euronews Albania”.

Ai theksoi se kjo është një reformë e re në futbollin shqiptar që ka si synim përfshirjen e futbollistëve të rij në kampionatin vendas.

“Dy prioritetet kryesore të Federatës së Futbollit për 4 vitet e ardhshme janë futbolli i fëmijëve dhe futbolli i grave e vajzave. Për të arritur atë objektiv, kemi përcaktuar rrugët, kemi bërë projektet dhe mënyrat e incetivimit se si mund të zhvillohet. Kemi bërë një reformë totale në futbollin e të rinjve, për t’i profilizuar dhe specializuar më shumë në mënyrë që të aktivizohen në skuadrat e para.

Një nga këto është incentivimi i futbollistëve nga 16-21 vjeç, për të cilat federata, për çdo klub që aktivizon futbollistë të rinj, incentivon me para cash. Pagesa është sipas aktivizimit të numrit të futbollistëve në lidhje me çmimin e vendosur për çdo minutë aktivizimi. Është vendosur një koeficient që mund të ndryshojë nga viti në vit. Për sezoni që jemi, është 2 mijë lekë për minutë’, theksoi ai.

LEXONI GJITHASHTU

• A u shua përplasja me Erion Veliajn? Flet Armand Duka
• Një shqiptar për sfidën Inter-Bayern, Jareci: Kur shkel në fushë, s’je më tifoz
• Mbyllet merkatoja e futbollistëve, cilat janë ekipet me blerjet më të mira