2 milionë € për luginën e Preshevës nga buxheti i qeverisë së Kosovës

Qeveria e Kosovës ka miratuar të premten buxhetin për vitin 2022, ndërsa në kuadër të këtij buxheti ka ndarë edhe dy milionë euro për Luginën e Preshevës. 

Ky lajm është mirëpritur nga liderët politikë në Luginë. Kryetarja e Preshevës, Ardita Sinani e ka quajtur lajm të mirë ndarjen e 2 milionë eurove.

Pas këtij vendimi të Qeverisë së Kosovës, ka reaguar edhe ish-kryetari i Preshevës, Shqiprim Arifi. Ai u shpreh se ka vite që ka kërkuar me këmbëngulje që Lugina e Preshevës të jetë pjesë e planifikimit buxhetor të Kosovës.

Në postimin e bërë, Arifi ka treguar se është duke pritur edhe nga Qeveria e Shqipërisë të ndaj 4 milionë euro shtesë për Luginën e Preshevës.

LEXONI GJITHASHTU: 

• Mbi 2 miliardë euro, Kosova miraton buxhetin