2 të vdekur dhe 787 raste me COVID-19 në Kosovë

Në Kosovë janë regjistruar dy viktima dhe 787 raste të reja me coronavirus, njoftoi  Ministria e Shëndetësisë.

Rastet e reja dolën pas testimit të 5,082 mostrave.

Në raportin e MSH-së, që i referohet të dhënave të 24 orëve paraprake, bëhet e ditur se janë shëruar edhe 3,613 pacientë.

Aktualisht, në Kosovë 20,995 janë raste aktive me coronavirus.

MSH-ja po ashtu njoftoi se në 24 orët paraprake janë administruar 1,754 doza të vaksinës kundër coronavirusit.

Në Kosovë të drejtë vaksinimi kanë të gjithë personat nga mosha 12-vjeçare.

Ndërkaq, dozën përforcuese dhe atë të tretë mund ta marrin të gjithë personat nga mosha 18-vjeçare, të cilët para tre muajsh janë imunizuar me dy doza të vaksinës.

LEXONI GJITHASHTU: 

• 8 vdekje nga COVID-19 në Kosovë