20 raste të reja me COVID-19, mes të cilëve 4 personel shëndetësor

Gjatë 24 orëve të fundit në vendin tonë janë kryer 297 testime nga kanë rezultuar të prekur me COVID-19, 20 persona.

Në komunikimin e përditshëm me publikun, Mirela Cami, drejtore e Operatorit të Shërbimeve të Kujdesit Shëndetësor bëri me dije se 15 raste janë identifikuar në Tiranë, 2 në Krujë, 2 në Durrës, dhe 1 në Kamzë

“Janë testuar 65 personel shëndetësor nga të cilët kanë rezultuar pozitivë 4 raste.

Rastet e identifikuara në 24 orët e fundit janë kryesisht kontakte të rasteve të zbuluara nga hetimi i kryer, dhe disa raste të reja për të cilat po vijon hetimi epidemiologjik.

Në spitalin infektiv aktualisht po trajtohen 21 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes.

Në vendin tonë janë 253 persona aktivë me COVID-19, kryesisht në Tiranë, Durrës dhe Krujë.

Në 24 orët e fundit janë shëruar 7 qytetarë, duke e çuar në 898 numrin e të shëruarve.

Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1184 raste”, tha ajo.

COVID-19 – Statistika (3 Qershor 2020)

Testime totale                         16817

Testime molekulare                15365

Testime serologjike                 1452

Raste pozitive                          1184

Raste të shëruara                       898

Raste Aktive                             253

Humbje jete                                33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë           172

Krujë             22

Durrës           15

Kamëz            12

Shkodër         10

Mat                 9

Lushnje           6

Berat               2

Fier                 2

Korçë              1

Librazhd          1

Mallakastër     1