21 vite AAK, Haradinaj: Krenarë për arritjet e Aleancës dhe standardet e saj

Në 21-vjetorin e krijimit të Aleancës për Ardhmërinë e Kosovës, Ramush Haradinaj ka përmendur disa prej akteve të ndërmarra nga kjo parti mes të cilave edhe ato që lidhen me raportet me Serbinë.

Haradinaj solli në vëmendje vendosjen e taksës 100% për mallrat serbe, krijimin e ushtrisë, teksa nuk la pa nënvizuar dorëheqjet nga posti i kryeministrit pas aktakuzave të ngritura nga Haga.

“Vendosëm vetë, nuk dialoguam me Serbinë, vendosëm vetë për taksën, reciprocitetin, mbrojtëm sovranitetin tonë dhe ekonominë tonë duke vendosur vetë, nuk negociuam me Serbinë, por vendosëm vetë për ushtrinë, Trepçën dhe pavarësinë energjitike,” – u shpreh Haradinaj, teksa kujtoi dorëheqjet dhe përballjet ndaj akuzave në Hagë, për të cilat u shpall i pafajshëm.