22 shtatori “Dita pa makina”, cilat rrugë janë bllokuar?

22 shtatori është “Dita pa makina” në kryeqytet. Ndalimi i qarkullimit të automjeteve nis nga ora 8:00 dhe përfundon në 14:00.

Automjetet nuk do të qarkullojnë në:

• Rrugën “Luigj Gurakuqi”, duke filluar nga kryqëzimi me rrugën “Xhorxh Bush” deri në sheshin “Avni Rustemi”
• Rrugën “Kostandin Kristoforidhi” deri në kryqëzimin me rrugën “Luigj Gurakuqi”.

Automjetet do të qarkullojnë në:

• Rrugën “Xhorxh Bush” – Rruga e Barrikadave
• Rrugën “Hoxha Tahsim” – Rruga “Tefta Tasho Koço”

Bashkia Tiranë njoftoi më herët se nga data 16 deri më 22 shtator do të realizonte disa aktivitete për të ndërgjegjësuar qytetarët për të lëvizur sa më pak me makina dhe për të pedaluar sa më shumë.

“Java Europiane e Lëvizshmërisë” ku Tirana është bërë pjesë prej 6 vitesh ka si qëllim të sensibilizojë njerëzit në kujdesin ndaj mjedisit dhe uljen e ndotjes së tij.

Bashkia Tiranë bëri thirrje që qytetarët t’i lënë automjetet e tyre dhe t’i bashkohen “Ditës pa makina” si këmbësorë.

• Qarkullimi i mjeteve të transportit publik linja -Porcelan – Qendër- do të devijojë në sheshin “Avni Rustemi” dhe do të stacionohet pranë tij.

LEXONI GJITHASHTU: 

• ‘Dita pa makina’ shkakton trafik të rënduar në mbi dhjetë rrugë kryesore të Tiranës
• Ngjyra, histori dhe pasion, parada ‘Retro’ në Shkodër ekspozon makinat e vjetra
• ‘Makinat janë varësi’: Si po kthehet Lisbona në një qytet të gjelbër
• Sigurimi i detyrueshëm për automjetet, risitë e ligjit të ri dhe përfitimet e palëve nga 1 korriku