250 anëtarë të PD-së votojnë për kandidatët e Rithemelimit në Lushnjë

250 anëtarë të Partisë Demokratike kanë votuar deri më tani në Lushnjë për emrin e kandidatit të Komisionit të Rithemelimit. Procesi është ndjekur nga afër nga ish-deputeti Klevis Balliu.

Gazetari Ardit Hoxha raporton se deri më tani nuk ka pasur asnjë problem gjatë procesit të votimit. Të drejtë vote kanë të gjithë demokratët që paraqesin kartën e anëtarësimit në PD.

Nga përfaqësuesit e zotit Basha ka pasur thirrje të vazhdueshme për të dalë me një kandidat të përbashkët në këtë bashki. Kjo thirrje është bërë edhe nga deputeti Saimir Korreshi.

Ditën e sotme po zhvillohen votimet në 6 bashki, për të përzgjidhur kandidatët e Komisionit të Rithemelimit për zgjedhjet e pjesshme vendore që pritet të zhvillohen më 6 mars.

LEXONI GJITHASHTU:

• Voltana Ademi: Nuk e njoh Bashën, Shkodra vuajti nga shitja e votave