29 të vrarë, luftë në Sinaloa pas arrestimit të djalit të ‘El Chapo’

Të paktën 29 persona kanë mbetur të vrarë në shtetin meksikan të Sinaloas, si pasojë e luftimeve që shpërthyen pas arrestimit të Ovidio Guzman, djali i trafikantit të drogës “El Chapo”.

Lajmin e konfirmuan autoritetet lokale, sipas të cilave viktimat janë 19 anëtarë të bandave kriminale dhe 10 anëtarë të forcave të armatosura.

Forcat meksikane të sigurisë e arrestuan Ovidio Guzman ditën e enjte, nën akuzën e trafikut të drogës dhe drejtimit të organizatës kriminale.

Mbi të rëndonte edhe një shpërblim financiar i vendosur nga administrata amerikane, por për momentin ekstradimi i tij në Shtetet e Bashkuara duket i pamundur për shkak të hesapeve që ai ka për të larë me drejtësinë vendase.

Gjatë trazirave që pasuan, me djegie makinash, shpërthime dhe akte të tjera luftarake, u arrestuan edhe 21 persona të tjerë.

Aeroporti i Kuliakanit, kryeqytet i shtetit të Sinaloas, qëndroi i mbyllur të premten pasi ishte kthyer në vatër të dhunës.

LEXONI GJITHASHTU:

• VIDEO| Vajza e El Chapo pas arrestimit të të vëllait: Karteli vazhdon fuqishëm
• Kush është Ovido Guzman, djali i famëkeqit “El Chapo”. Pse e quajnë “El Raton”