3 destinacione të reja nga WIZZ AIR, çmime të ulëta duke nisur nga korriku

Wizz Air shton 3 destinacione të reja drejt Europës, po ashtu dhe avionët në bazën e Tiranës.

“Fillojmë të veprojmë me 3 destinacione të reja, Varshavë të Polonisë, Lion të Francës dhe Nuremberg të Gjermanisë. Të gjitha 2 herë në javë duke nisur nga korriku dhe shtatori. Përfundimisht kemi në plan të investojmë më shumë këtu. Është treg në rritje, edhe gjatë pandemisë”, u shpreh Evelin Horváth, ushtruese e detyrës së oficerit të rrjetit në Wizz Air Group.

Deri në 2025 kompania ‘low cost’ synon të ketë në Tiranë 19 avionë. Ndaj kërkon të rekrutojë një staf prej rreth 700 personash kryesisht pilotë, stjuardesave dhe teknikëve të avionëve.

I gjithë sektori i aviacionit ka nevojë për njerëz sipas Drejtorit të Aviacionit Civil, Maksim Ethemaj.

“1300-1500 forca pune që kërkohen në 5 vitet e ardhshme”, u shpreh ai.

Rreth  200 mln euro do të investohen për infrastrukturën aeroportuale në vitet e ardhme, 1 pjesë për zgjerimin e aeroportit  të Tiranës dhe 1 pjesë për aeroportin e Vlorës. Në këtë të fundit do të bëhet dhe mirëmbajtja e avionëve.

Punime po kryhen dhe në aeroportin e Rinasit, ku përveç zgjerimit të terminalit të pasagjerëve dhe pistës, do të shtohen dhe kontrollet online, skanerët, kapaciteti i bagazheve dhe portat dalëse.

“Për 3-4 vitet e ardhme , parashikojmë të akomodojmë deri në 6.2 ml pasagjerë”, tha z. Ethemeaj.

Me rregullimet e pistës, parashikohet dhe shtimi i linjave të drejtpërdrejta ndërkontinentale.