Tre persona që dyshohet se kanë lidhje me vrasjen e një emigrant shqiptar në Londër të Anglisë, janë arrestuar nga policia.
Olsi Kuka, rreth 30 vjeç, u qëllua për vdekje me thikë në Barnet javën e kaluar, shkruan BBC.
Ai u gjet në orët e para të 11 majit me plagë në trup, pa shenja jete në një apartament në veri të Londrës.
- Advertisement -
Tre personat e arrestuar janë dy meshkuj 33 dhe 25 vjeç dhe një grua 24 vjeçe.
Dy burrat po mbahen të arrestuar pasi dyshohen për vrasje, kurse 24-vjeçarja është lënë e lirë përmes garancisë pasurore.
Fillimisht për vrasjen e emigrantit u arrestua një 35-vjeçar, por që më pas u la i lirë.