31 marinarë të zhdukur, luftanija përmbyset në Gjirin e Tajlandës

Marina tajlandeze thotë se 31 marinarë janë zhdukur pasi një anije luftarake me mbi 100 anëtarë të ekuipazhit u përmbyt gjatë një stuhie në Gjirin e Tajlandës.

Të hënën, autoritetet thanë se kishin shpëtuar 75 persona të ekuipazhit, por 31 të tjerë ende të zhdukur në det të trazuar.

“Kanë kaluar më shumë se 12 orë, por ne do të vazhdojmë të kërkojmë”, tha një zëdhënës i marinës për BBC.

Marina njoftoi gjithashtu një hetim për shkakun e katastrofës.

“Kjo pothuajse nuk ka ndodhur kurrë në historinë e forcës sonë detare, veçanërisht me një anije që është ende në përdorim aktiv”, tha zëdhënësi Admiral Pogkrong Monthardpalin.

Anija ishte në një patrullim 32 km (20 milje) në lindje të Bang Saphan, në provincën Prachuap Khiri Khan, kur u përfshi nga stuhia të dielën.

LEXONI GJITHASHTU:

• Paralajmërimi i kreut të CIA-s: Kina mund të sulmojë Tajvanin në vitet e ardhshme
• Messi nuk tërhiqet: Do vijoj të luaj për kombëtaren e Argjentinës
• Kush janë 2 shqiptarët që u ekzekutuan në lokalin në Athinë