37 të infektuar të tjerë me COVID-19 në Shqipëri, asnjë humbje jete

Ministria e Shëndetësisë njoftoi sot se 37 persona rezultuan të infektuar me COVID-19 pas 4,593 testimesh të kryera (pozitiviteti 0.08%) ndërsa sërish nuk u raportuan humbje jete nga pacientët e shtruar në spitale.

Në raport ministria saktësoi se janë 374 persona të konfirmuar me teste si mbartës të virusit, prej të cilëve 20 prej tyre (5.3% e të infektuarve) janë shtruar në Spitalin Infektiv.

Autoritetet nuk specifikuan nëse ndokush prej pacientëve është në terapi intensive.

Shumica e personave të infektuar janë nga qarku i Tiranës (137), ndërsa të tjerët nga Elbasani (55), Kukësi (33), Lezha (32) apo Vlora (28).

Nga ministria e Shëndetësisë kanë konfirmuar për Euronews Albania se në Shqipëri po qarkullon prej rreth dy muajsh varianti “Delta” i COVID-19, i cili është më ngjitës.

Për këtë ministria dhe ekspertët e shëndetësisë kanë apeluar që qytetarët të vaksinohen sa më parë.

Ekspertët thonë se të pavaksinuarit kanë rrezik më të lartë për t’u infektuar dhe vuajtur pasoja nga virusi.

LEXONI GJITHASHTU:

• Varianti Delta qarkullon në Shqipëri prej gati 2 muajsh, konfirmon zv.ministrja e Shëndetësisë
• Shtohen të infektuarit në shtetet evropiane, shkak varianti Delta
• Të pavaksinuarit, shumë më të rrezikuar nga ‘Delta’, paralajmëron epidemilogu