4 të plagosur nga shpërthimi i bombolës së gazit, Euronews Albania zbardh ekspertizën paraprake

Euronews Albania ka mësuar se katër të lënduarit nga shpërthimi i bombolës së gazit në Velipojë, ishin kthyer dje nga Italia dhe ishin akomoduar në hotelin e tyre.

Sipas informacioneve, pjesëtarët e familjes kanë qenë duke pastruar ambientet e hotelit, ndërsa shpërthimi ka ndodhur kur Alketa Gjoka e plagosur nga shpërthimi po bënte kafe.

Nga ekspertiza rezulton të kemi të bëjmë me një aksident nga pakujdesia njerëzore pasi ka dyshime se dhomën ku qëndronin gjashtë bombola nga 3-6 kilogramë, njëra prej tyre ka qenë e hapur dhe ka lëshuar gaz gjatë gjithë natës. Kjo është dhe arsyeja se përse ekspertët dyshojnë se shpërthimi ka ndodhur për shkak të mbushjes së dhomës me gaz.

Përfundimi i përcjellë në relacionin e ngjarjes provohet dhe nga gjenda e bombolave pas shpërthimit, që pas këqyrjes kanë qenë të padëmtuara por të mbuluara me pluhur si pasojë e shpërthimit.

Të dielën, katër pjesëtarë të një familjeje u plagosën rëndë pas shpërthimit të një bombole gazi, ku nëna 40 vjeçe dhe 3 fëmijët e saj të moshave 19, 15 dhe 11 vjeç kanë marrë plagë të rënda dhe janë transportuar me helikopter drejt spitalit të djegie plastikës në Tiranë.

LEXONI GJITHASHTU: 

• Shpërthen bombola e gazit në një hotel në Velipojë, plagosen 4 anëtarë të një familjeje, mes tyre një fëmijë
• Arrestohen 2 mjekë të “Traumës”, akuzohen se morën para për të operuar të plagosurin në Velipojë
• Si nisi konflikti në Velipojë që la pas katër viktima dhe dy të plagosur