43 mijë faqe raporte: Ish-krerët e UÇK-së në Hagë, Prokuroria kërkon mbrojtje për dëshmitarët

Nis në Hagë konferenca për ecurinë e çështjes në ngarkim të Hashim Thaçit, Jakup Krasniqit, Kadri Veselit dhe Rexhep Selimit.

Në paraqitjen e parë para trupit gjykues Thaçi, Krasniqi, Veseli dhe Selimi u deklaruan të pafajshëm për çdo akuzë të ngritur ndaj tyre.

Prokurorja e çështjes u shpreh gjatë seancës se materiali i aktakuzës përfshin shumë çështje, 1842 zëra, një pjesë e tyre është në trajtën e deklaratave. Ajo theksoi më tej se janë 153 dëshmitarë. 

“Për sa i përket hetimeve, disa masa apo hapa hetimore janë në vazhdim e sipër. Një numër i këtyre hapave mund të kthyer vetëm çështja kur të bëhet publike.

Ajo theksoi më tej se Prokuroria kërkon masa mbrojtëse për disa dëshmitarë dhe viktima.

Parashikojmë që të kemi përkthime të plota brenda afatit 30 ditor. Prokuroria kërkon masa mbrojtëse për disa dëshmitarë dhe viktima.

Me qëllim të konfirmimit të aktakuzës kundër ish-krerëve të Ushtrisë Çlirimtare të Kosovës, Prokuroria e Specializuar në Hagë, siç njofton në faqen e saj zyrtare disponon një material prej rreth 43 mijë faqesh, duke përfshirë raporte, deklaratat të dëshmitarëve, fotografi, e mbi 20 orë material audio-vizuel dhe 153 dëshmitarë.

Sipas parashtresës së Prokurorisë, ajo parashikon sigurimin e hollësishëm të materialit me prova për mbrojtjen deri më 30 prill 2021, kurse shton se do të jetë në gjendje t’i ofrojë listën e plotë të dëshmitarëve deri më 31 maj 2021, me kusht që procedurat aktuale paraprake pranë Dhomave të Specializuara të jenë afër përfundimit dhe se në të njëjtën kohë është planifikuar fillimi i gjykimit.

‘Prokuroria aktualisht parashikon shtimin e afërsisht 50 dëshmitarëve të tjerë në listën e dëshmitarëve për gjykimin, megjithëse numri përfundimtar i dëshmitarëve mund të ndryshojë, varësisht nga rezultati të hetimeve të mbetura”, thuhet në dokument. 

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. 

Prokuroria akuzon Thaçin, Veselin, Krasniqin dhe Selimin për kryerjen e krimeve të luftës ndaj qindra civilëve dhe personave që nuk merrnin pjesë aktive në luftime.

Në aktakuzë pretendohet se nga marsi i vitit 1998 deri në shtator të 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të “ndërmarrjes së përbashkët kriminale kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.

Prokuroria pretendon se viktimat ishin kryesisht njerëz që gjatë kohës së luftës perceptoheshin si bashkëpunëtorë të forcave serbe, të zyrtarëve apo institucioneve shtetërore apo edhe që nuk mbështesnin qëllimet e UÇK-së.

Lexoni gjithashtu:

Pritet arrestimi i ish-ushtarit të UÇK-së, Faik Zogaj: Kam refuzuar dy ftesat e para nga Gjykata Speciale

Specialja për Euronews Albania, mandati përfshin gjykimin e individëve nga Kosova dhe ish-Jugosllavia

Ish-luftëtari i UÇK-së: Kosova nuk ka nxjerrë as 2% të krimeve të serbëve