5 ankesa për 25 prillin nga LSI, Braimllari: Do i drejtohemi KQZ sa të dalë rezultati përfundimtar

Lëvizja Socialiste për Integrim, përmes sekretarit të përgjithshëm, Endrit Braimllari ka paralajmëruar dorëzimin e disa padive në Komisionin Qendror Të Zgjedhjeve, sapo të shpallet rezultati përfundimtar.

Kryesuesi i listës së LSI-së në Korçë pohoi se LSI ka dorëzuar kallëzim në SPAK për disa manipulime të rënda gjatë procesit zgjedhor, teksa kërkoi administrim me përgjegjësi absolute të të gjithë materialeve të votimit.

Më herët, Endrit Braimllari, akuzoi PS-së për presione, manipulime dhe blerje votash që çuan në humbjen e mandatit të kësaj partie në qarkun e Korçës.

11 mandatet e qarkut të Korçës u ndanë në dy fronte, ku PS mori 6 mandate ndërsa Partia Demokratike 5 mandate.